مونتاج فيديوهاتك بـ Claude Code: كل الخطوات والبرومبتاتEdit your videos with Claude Code: every step and prompt

المصطلحات

Claude Code (كلود كود)

نسخة من Claude تشتغل على ملفات جهازك وتشغّل الأوامر بنفسها. موجودة في تبويب Code داخل تطبيق Claude للديسكتوب.

skill (سكيل)

ملف تعليمات يحفظه Claude ويرجع له كل مرة. هنا راح يكون فيه ستايل المونتاج اللي تحبه، مكتوب بالتفصيل.

video-use

أداة مفتوحة المصدر من browser-use تخلي Claude Code يمنتج الفيديو: يقص، يركّب، ويستخدم FFmpeg للتصدير.

HyperFrames

أداة مفتوحة المصدر من HeyGen، برخصة Apache 2.0، تحوّل HTML وأنيميشن إلى فيديو MP4. Claude يستخدمها للنصوص المتحركة والجرافيكس.

ElevenLabs API key (ايه بي آي)

مفتاح من حسابك في ElevenLabs. video-use يستخدمه حتى يفرّغ كلامك لنص مع توقيت كل كلمة.

الخطوات

1. 1

   الخطوة 1

   افتح تطبيق الديسكتوب واختار Local

   لا تستخدم Claude من المتصفح. نزّل تطبيق Claude للديسكتوب وسجّل دخول. تبويب Code يحتاج اشتراك Pro أو Max أو Team أو Enterprise.

   اضغط تبويب Code. تحت مربع الكتابة اضغط أول زر، وهو اختيار البيئة، واختار أول خيار في مجموعة Local. بهذا الإعداد، Claude يشتغل على جهازك ويوصل لكل ملفاتك ولقطاتك.

   code.claude.com

   

   نصيحة: Cloud يشتغل على سيرفر بعيد ومش راح يشوف لقطاتك اللي على جهازك.

2. 2

   الخطوة 2

   سوّ فولدر المشروع وثلاث فولدرات داخله

   سوّ فولدر جديد وسمّه AI Video Editor.

   داخله ثلاث فولدرات: raw للقطات الخام، references لفيديوهات الستايل، و exports للفيديو النهائي.

   بعدها في تبويب Code اضغط زر الفولدر جنب اختيار البيئة، واختار Open folder…، وحدد فولدر AI Video Editor.

3. 3

   الخطوة 3

   ثبّت الأدوات ببرومبت واحد

   الصق هذا البرومبت في الجلسة. Claude راح يثبّت video-use و HyperFrames و yt-dlp و FFmpeg، ويكمّل أي شي ناقص عندك مثل Python أو Node.

   Remotion اختياري، وللموشن جرافيكس بس. رخصته حسب صفحتها الرسمية: مجاني للأفراد، وللشركات الربحية اللي فيها لين 3 موظفين، وللمنظمات غير الربحية. أي شركة ربحية أكبر من هذا تحتاج Company License. لهذا خلّيت Claude يقول لك الشروط قبل ما يثبّته.

   خلّيت أسماء الأدوات والأوامر بالإنجليزي لأنها لازم تنكتب بالضبط. وافق على الأوامر وهو يشتغل.

   

   برومبتبرومبت التجهيز

   نسخ

   أنت محرر فيديوهات قصيرة عمودية، 9:16 بدقة 1080×1920. جهّز لي بيئة المونتاج في هذا الفولدر:
   
   1. ثبّت video-use من https://github.com/browser-use/video-use: اقرأ install.md واتبعه خطوة خطوة، اربط FFmpeg، وسجّل الـ skill في Claude Code.
   2. ثبّت HyperFrames من HeyGen كـ plugin لـ Claude Code بالأمرين:
   claude plugin marketplace add heygen-com/hyperframes
   claude plugin install hyperframes@hyperframes
   3. اختياري: Remotion للـ motion graphics. قبل ما تثبّته، قول لي شروط الرخصة.
   4. ثبّت yt-dlp و FFmpeg إذا مش موجودين.
   5. إذا Python أو Node 22 أو Git ناقصين، ثبّتهم.
   
   في الآخر اعطني checklist بكل شي تثبّت وكل شي ناقص. لا تبدأ أي مونتاج الآن.

   نصيحة: HyperFrames يحتاج Node 22 أو أحدث، و FFmpeg شرط أساسي للاثنين.

4. 4

   الخطوة 4

   طلّع مفتاح ElevenLabs وعطه Claude

   سجّل في ElevenLabs، وروح لصفحة API keys في الإعدادات: elevenlabs.io/app/settings/api-keys

   اضغط Create key، سمّه، وانسخه مباشرة لأنه يطلع مرة وحدة بس.

   عطه Claude بهذا البرومبت. video-use يستخدم ElevenLabs Scribe حتى يفرّغ كل لقطاتك لنص مع توقيت كل كلمة، وهذا اللي يخليه يعرف وين يقص.

   برومبتحفظ المفتاح

   نسخ

   هذا مفتاح ElevenLabs: [مفتاحك]
   احفظه في المكان اللي يقول عنه ملف install.md داخل video-use، وغالباً يكون ملف .env باسم ELEVENLABS_API_KEY. خلّ صلاحيات الملف للقراءة لي بس. لا تكتب المفتاح في الرد ولا ترفع ملف .env لأي مكان. بعدها تأكد إن video-use يقدر يقرأه.

   نصيحة: المفتاح مثل كلمة السر. لا تحطه في screenshot ولا ترسله لأحد.

5. 5

   الخطوة 5

   علّم Claude ستايلك وخلّه skill

   اختار ستايل: ستايل صانع محتوى يعجبك، أو ستايلك أنت. انسخ روابط فيديوهات من TikTok أو Instagram.

   عطه ثلاثة على الأقل، والأحسن خمسة. كل ما زادت الأمثلة، كان الستايل أدق.

   Claude راح ينزّل الفيديوهات، يفصّص الستايل، ويعرضه عليك. لما توافق، يحفظه skill اسمه my-editing-style.

   وإذا تريد تتعمق في الـ skill نفسها، دليل STYLE يشرحها أكثر.

   برومبتبرومبت الستايل

   نسخ

   هذي فيديوهات بالستايل اللي أريده:
   [رابط 1]
   [رابط 2]
   [رابط 3]
   [رابط 4 اختياري]
   [رابط 5 اختياري]
   
   نزّلها في فولدر references بـ yt-dlp. بعدها حلّل ستايل المونتاج بالتفصيل: الإيقاع وطول اللقطات، الـ jump cuts، الزوم والـ punch ins، شكل الكابشن ومكانه وحجمه، الـ motion graphics والـ B roll، تلوين الصورة، الصوت والمؤثرات، وكيف يبدأ الـ hook في أول 3 ثواني.
   
   اعرض علي التحليل أول. لما أوافق، احفظه كـ skill في .claude/skills/my-editing-style/SKILL.md

6. 6

   الخطوة 6

   صوّر لقطاتك الخام وحطها في raw

   صوّر بكاميرا الجوال، حتى لو take وحدة. أنا أصوّر 1080p و 60fps.

   لا تهتم بالأخطاء والإعادات. Claude راح يقصها.

   انقل الملف لفولدر raw اللي سويته في البداية.

   نصيحة: سمّ الملف اسم واضح، حتى تقدر تشير له في البرومبت.

7. 7

   الخطوة 7

   اختار Opus 5.5 وابدأ المونتاج

   من قائمة الموديلات (model picker) تحت مربع الكتابة، قريب من زر الإرسال، اختار Opus 5.5. إذا ما ظهر عندك، اختار أحدث Opus في القائمة.

   الصق برومبت المونتاج. Claude راح يستخدم الـ skill اللي سويتها و video-use، ويعرض عليك خطة المونتاج قبل ما يبدأ.

   بعد التصدير، يراجع كل قصة بنفسه ويحفظ الفيديو في exports.

   برومبتبرومبت المونتاج

   نسخ

   منتج الفيديو اللي في فولدر raw باستخدام skill اسمها my-editing-style و video-use.
   
   المقاس 9:16 بدقة 1080×1920.
   قص كل الحشو، البدايات الغلط، التكرار، والسكتات الميتة.
   حط أقوى hook في أول 3 ثواني.
   الكابشن والزوم والجرافيكس والمؤثرات الصوتية حسب الـ skill.
   الطول المطلوب: [مثلاً 45 ثانية].
   
   اعرض علي الخطة أول قبل ما تمنتج. بعد التصدير، شيك على كل قصة، واحفظ النسخة النهائية في فولدر exports.

8. 8

   الخطوة 8

   عدّل بالكلام بدل الـ timeline

   ما في timeline. إذا تريد تغيّر شي، قول لـ Claude بالضبط اللي تريده يتغيّر، ومع التوقيت إذا تقدر.

   في آخر الدليل خمس برومبتات تعديل أستخدمها كثير. غيّر الأرقام والتوقيتات حسب فيديوك.

   نصيحة: تعديل واحد في كل رسالة يطلع أدق من خمسة مع بعض.

9. 9

   الخطوة 9

   النظام كامل في الدورة

   هذا الدليل هو الجزء المجاني. النظام كامل موجود في دورة «نظام المونتاج الكامل مع Claude Code»: ١٦ درس بالعربي الخليجي، فيها كابشن عربي بترتيب الكلمات الصح، وصوت بمستوى واحد، وملف SKILL.md جاهز، ومونتاج فولدر كامل بأمر واحد.

   وإذا انتوا جاهزين للنظام كامل، الدورة هنا: https://mabuzant.com/academy/claude-video-editing?src=guide-cut

برومبتات جاهزة للنسخ

أول ثانيتين بطيئة. قصها وخل الفيديو يبدأ مباشرة من أول جملة قوية، وصدّر نسخة جديدة في exports.

صغّر الكابشن 20% ونزّله أكثر لتحت، بس خلّه بعيد عن أزرار Instagram. طبّق هذا على الفيديو كامل.

سوّ punch in خفيف كل ما أقول رقم أو نقطة مهمة. لا تكرره على جملتين ورا بعض.

عند [00:12] طلّع نص على الشاشة مكتوب فيه: [النص]. خلّه بنفس ستايل الجرافيكس في الـ skill، ويختفي بعد ثانيتين.

عند [00:27] القصة سريعة زيادة. خل نص ثانية قبل الجملة الجاية حتى تتنفس اللقطة.