١٨ حركة مونتاج تبنيها مع Claude بالكود18 editing motions you build with Claude in code

المصطلحات

motion (موشن)

عنصر يتحرك فوق الفيديو: كلمة، كرت، أيقونة. يدخل على كلمة معينة ويطلع بعدها.

HTML overlay

صفحة شفافة فوق اللقطة. Claude يكتبها بالكود، وأداة الرندر تحولها لفيديو.

word timing

وقت كل كلمة في كلامك بالثانية. منه تعرف الحركة متى تدخل بالضبط.

الخطوات

1. 1

   الخطوة 1

   جهّز Claude Code والمشروع

   افتح Claude Code على جهازك وخلّه على Local.

   سوّ فولدر فيه اللقطة الخام raw.mov وملف words.json (أوقات الكلمات). إذا ما عندك أوقات، اطلبها من Claude يفرغها لك.

   برومبتبرومبت البداية

   نسخ

   عندي فيديو في raw/raw.mov. فرّغ الكلام مع وقت كل كلمة واحفظه في words.json. بعدها جهّز ملف overlay.html بحجم 1080x1920 شفاف، كل عنصر فيه يدخل ويطلع على وقت كلمة من words.json، وجهّز سكربت يرندر الصفحة فريم فريم فوق الفيديو بـ 30fps.

   نصيحة: خلّ كل حركة بين 0.3 و 0.6 ثانية. أطول من هذا يبطّئ الريل.

2. 2

   الخطوة 2

   حركات الهوك: هوك يتحرك، كلمة تطيح، كابشن عملاق

   أول ثانيتين هي اللي تمسك المشاهد.

   الهوك يدخل كلمة كلمة ويتمايل يمين ويسار. بعده كلمة تطيح لتحت وتدور وهي طايحة. وبعدها كابشن عملاق يغطي فوق الراس ويختفي على الكلمة اللي بعده.

   برومبتالهوك

   نسخ

   في overlay.html سوّ ٣ حركات على أوقات الكلمات: (١) سطر الهوك [نص الهوك] يدخل كلمة كلمة، ثم يتمايل ±40px ويرجع، (٢) كلمة [الكلمة] تنزل من فوق، وبعد 0.35 ثانية تطيح 900px لتحت وتدور 28 درجة، (٣) كلمة [الكلمة] بحجم 400px تدخل بحركة slam وتطلع على الكلمة اللي بعدها. استخدم خط [الخط] وأبيض مع أصفر #FFD60A للكلمة المهمة.

3. 3

   الخطوة 3

   حركات الواجهة: prompt bar، storyboard، أيقونة تنشطب، ملف ينسحب

   هذي الحركات تخلي المشاهد يشوف الأداة نفسها.

   الـ prompt bar نسخة من صندوق Claude الأبيض والنص ينكتب حرف حرف. الـ storyboard ثلاث لقطات من فيديوك تطلع ورا بعض. الأيقونة تدخل وخط أحمر يقطعها. والملف ينسحب من اليسار لليمين مع مؤشر الماوس.

   برومبتالواجهة

   نسخ

   أضف ٤ حركات: (١) صندوق prompt أبيض بنفس شكل Claude (زر +، زر الأدوات، اسم الموديل، زر إرسال برتقالي #C6613F) والنص [نص البرومبت] ينكتب حرف حرف خلال 0.6 ثانية، (٢) ثلاث فريمات من الفيديو عند الثواني [ث١، ث٢، ث٣] تطلع ورا بعض كل 0.12 ثانية، (٣) أيقونة [اسم الأداة] يقطعها خط أحمر مائل على كلمة [الكلمة]، (٤) كرت ملف raw.mov مع مؤشر ماوس ينسحب 560px لليمين خلال 0.6 ثانية.

4. 4

   الخطوة 4

   حركات الـ timeline: timeline وأيقونات ترجف وتنحذف

   الـ timeline أربع مقاطع ملونة تحت وجهك، وخط أصفر يمشي عليها مع كلامك.

   بعدها ثلاث أيقونات ترجف مثل الآيفون لما تريد تحذف تطبيق، وكل وحدة تطلع بالتسلسل.

   برومبتالـ timeline

   نسخ

   أضف timeline بعرض 960px تحت الوجه فيه ٤ مقاطع ملونة، وخط playhead أصفر يمشي من البداية للنهاية بين كلمة [الكلمة الأولى] و [الكلمة اللي بعدها]. بعده ٣ أيقونات [أسماء الأدوات] عليها علامة ✕ رمادية، ترجف ±5 درجات كل 0.09 ثانية، وتختفي وحدة وحدة على كلمة [الكلمة].

5. 5

   الخطوة 5

   حركات الألوان: سلايدر، قطّارة، لوك سينمائي

   هنا اللون يتغير على اللقطة نفسها، مش بس على الرسمة.

   السلايدر يتحرك واللقطة تتلون معه. القطّارة تروح على نقطة في اللقطة وتطلع كبسولة فيها كود اللون. واللوك السينمائي يدخل شريطين أسود فوق وتحت مع درجة teal و orange.

   برومبتالألوان

   نسخ

   أضف: (١) سلايدر ألوان بعرض 680px، المقبض يتحرك عليه، وطبقة لون فوق الفيديو بـ mix-blend-mode: color تتغير من برتقالي لأزرق مع حركة المقبض، (٢) أيقونة قطّارة تتحرك لنقطة [x,y] وبعدها كبسولة فيها دائرة اللون والكود [#HEX]، (٣) شريطين أسود 300px فوق وتحت يدخلون على كلمة [الكلمة] مع طبقة soft-light بتدرج teal لـ orange.

6. 6

   الخطوة 6

   حركات السوشل: كرت عنوان، شبكة فيديوهات، فيد ريلز، كرت فيديو، كومنت يطيح

   آخر الريل يرجع للمنصة نفسها.

   كرت العنوان يدخل بمسح من اليمين. شبكة ٣ في ٣ من فيديوهاتك تطلع ورا راسك. جوال فيه فيد ريلز يتمرر. كرت فيديو عليه زر تشغيل ومدة. وفي الآخر كومنت فيه الكلمة المفتاحية، وعلى آخر كلمة يطيح لتحت.

   برومبتالسوشل

   نسخ

   أضف: (١) كرت عنوان زجاجي فيه [العنوان] و timecode يدخل بحركة wipe، (٢) شبكة ٣x٣ من صور [مسار الصور] تطلع وحدة وحدة كل 0.04 ثانية خلف الشخص (استخدم الـ mask حتى يكون الراس قدامها)، (٣) إطار جوال 300x600 فيه صور تتمرر لفوق 760px، (٤) كرت فيديو بزر تشغيل ومدة [0:12]، (٥) كومنت أبيض فيه الصورة واسم الحساب ونص [نص الكومنت]، وعلى آخر كلمة ينزل 700px ويدور 10 درجات.

   نصيحة: أي عنصر يكون خلف الراس يحتاج قناع الشخص (mask) من الفيديو، اطلبه من Claude قبل هذي الخطوة.

7. 7

   الخطوة 7

   رندر وراجع

   خلّ Claude يرندر، وبعدها اطلب منه صورة فيها ١٢ لقطة من الفيديو حتى تشوف الحركات كلها مرة وحدة.

   إذا عنصر غطى فمك أو الكابشن، قل له بالضبط وين يتحرك.

   برومبتالرندر والمراجعة

   نسخ

   رندر overlay.html فوق raw/raw.mov إلى exports/final.mp4 بـ 30fps مع الصوت. بعدها سوّ صورة qa.jpg فيها ١٢ فريم موزعة على الفيديو. أي عنصر يغطي الفم أو الكابشن انقله للمنطقة الفاضية فوق الراس أو على الجنب.

8. 8

   الخطوة 8

   النظام كامل في الدورة

   هذا الدليل هو الجزء المجاني. النظام كامل موجود في دورة «نظام المونتاج الكامل مع Claude Code»: ١٦ درس بالعربي الخليجي، فيها كابشن عربي بترتيب الكلمات الصح، وصوت بمستوى واحد، وملف SKILL.md جاهز، ومونتاج فولدر كامل بأمر واحد.

   وإذا انتوا جاهزين للنظام كامل، الدورة هنا: https://mabuzant.com/academy/claude-video-editing?src=guide-effect

برومبتات جاهزة للنسخ

سوّ لي حركة جديدة في overlay.html: [وصف الحركة]. تدخل على كلمة [الكلمة] وتطلع على [الكلمة]. لا تغطي الوجه، وخلها بين 0.3 و 0.6 ثانية.